Plantun de Prouvènço

Pèr coumpara dos planto d'encò nostre

Ervum gracile & Mentha suaveolens

Ervum gracile

Fabaceae Leguminosae

Nom en français : Vesce à fleurs lâches.

Descripcioun :
Aquelo vesso dóu gènre Ervum fai de pichòti flour (7 mm), roso à vióuleto, souvent groupado pèr 3. Se recounèis peréu à si fueio coumpausado, emé 2 à 6 (8) paréu de fueioun prim, e acabado pèr uno vediho. La planto rebalo au sòu o pòu grimpa. Li dòusso caupon de 5 à 6 grano.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).

Port : Erbo
Taio : 10 à 60 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Ervum
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) flour : 5 à 9 mm
Flourido : Printèms

Sòu : Si (Ca)
Autour basso e auto : Pancaro entresigna
Aparado : Noun
Abriéu à jun

Liò : Champ - Roucaio - Tepiero seco
Estànci : Termoumediterran à Mesoumediterran
Couroulougi : Eurimediterrano
Ref. sc. : Ervum gracile (Lois.) DC., 1813 (= Vicia tetrasperma subsp. gracilis (Lois.) Hook.f., 1870 )

Mentastre

Mentha suaveolens

Lamiaceae Labiaceae

Àutri noum : Baume-fèr, Mento-sóuvajo.

Noms en français : Menthe à feuilles rondes, Menthe odorante.

Descripcioun :
Lou mentastre es uno mento coumuno dins quàsi touto la Prouvènço. Se recounèis à sis lònguis espigo de flour blanco que viron au brun e peréu à si fueio quasimen redouno e goufrado.

Usanço :
Coume tóuti li mento, èi manjadis cru (ensalado, soupo, dessert, bevendo..) o en tisano. Ei counseia de pas trop faire caufa la tisano de mentastre que soun essènci èi voulatiéu. La mento èi vertuouso pèr digeri, sougna li plago e pèr faire fugi la tavaniho.